Policia e Pogradecit, ka arrestuar 32-vjeçarin A. T., pasi dyshohet se ka ushtruar dhunë fizike ndaj bashkëjetueses së tij, shtetases E. T. Sakaq, janë proceduar penalisht dhe 2 të tjerë, të akuzuar për vepra të ndryshme penale.
Janë vënë në hetim personat e identifikuar me iniciale F. K., 21 vjeç, banues në Kamëz, Tiranë, në brendësi të pasaportës së tij kishte vendosur një kartëmonedhë 20 euro, me qëllim shmangien e masës administrative, pasi kishte tejkaluar afatin e qëndrimit në Greqi.
Si dhe A. L., 32 vjeç, banues në Korçë, pasi gjatë kontrollit që shërbimet e policisë ushtruan në lagjen nr.4, Korçë, në lokalin në përdorim të tij, iu gjetën e sekuestruan në cilësinë e provës materiale 4 njësi kompjuterike që dyshohet se shërbenin për vendosjen e basteve sportive.
