Një 41-vjeçar është shpallur në kërkim pasi ka goditur me shkop dy fëmijë të mitur, nga 15 vjeç. Ngjarja ka ndodhur në qytetin e Vlorës dhe dyshohet për motive të dobëta.
Policia është duke punuar për të arrestuar 41-vjeçarin, i cili tashmë është shpallur në kërkim.
Gjithashtu, një 60-vjeçar në Vlorë është arrestuar nga policia pasi drejtonte automjetin në gjendje të dehur.
“Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim policor shtetasin S. M., 41 vjeç, banues në Vlorë, pasi dyshohet se për motive të dobëta, ka goditur me send të fortë (shkop), dy shtetas 15 vjeç.
Specialistët e Qarkullimit Rrugor të DVP Vlorë arrestuan shtetasin D. M., 60 vjeç, banues në Vlorë, pasi është kapur nga shërbimet e Policisë, duke drejtuar automjetin, në gjendje të dehur”, njofton policia.
Discussion about this post