SHÇBA ka reaguar në lidhje me incidentin në Dajt, ku një efektiv policie shtynte gazetarët madje duke u rrezikuar jetën. Gazetarë dhe kameramanë ishin duke filmuar zonën ku u gjet i vrarë biznesmeni Rruzhdi Hoxha. Njëri prej policëve u ka kërkuar të largohen e ka shtyrë stafin medias.
Në deklaratën e tyre SHÇBA bën me dije se po punon për zbardhjen e plotë të kësaj ngjarje dhe sjelljes jo korrekte të disa punonjësve të policisë me përfaqësues të mediave.
“Në vijim të lajmit të publikuar në disa media, në lidhje me sjelljen jo korrekte të disa punonjësve të policisë me përfaqësues të mediave, e në veçanti me gazetaren Anila Hoxha gjatë raportimit të një ngjarje kriminale, SHÇBA njofton se ka nisur një inspektim për zbardhjen e plotë të rrethanave, si dhe vënien përpara përgjegjësisë të punonjësve të Policisë së Shtetit që kanë shfaqur sjellje jo etike e konform detyrës”, shkruhet në reagim.
Nuk dihet ende nëse do të merret masë disiplinore ndaj përfaqësuesit të uniformave blu, por në vijim pritet të ketë dhe një tjetër reagim.
Discussion about this post