Një tjetër rast dhune është shënuar, këtë herë në qytetin e Durrësit. Një kryefamiljar ka ushtruar dhunë ndaj bashkëshortes së tij dhe dy fëmijëve të tij të mitur. Fëmijët e dhunuar nga i ati i tyre janë të moshës 13 dhe 15 vjeç.
Shtetasi G.S, 52 vjeç është vënë në pranga dhe akuzohet për veprën penale “Dhuna në familje”. Materialet kaluan në Prokurorinë e Rrethit Gjyqësor Durrës, dhe Prokurorinë e Rrethit Gjyqësor Krujë për veprime të mëtejshme.
Dhuna dhe keqtrajtimi i fëmijëve mbetet një fenomen mjaft shqetësues i shoqërisë sonë. . Nga muaji janar e deri më tani në të gjithë vendin janë denoncuar afro 120 raste të tilla. Sipas burimeve, numrin më të lartë e mbajnë denoncimet për dhunën e ushtruar ndaj të miturve, ku autorë në shumicën e raste janë prindërit.
Discussion about this post