Një 48-vjeçar shqiptar, i njohur për policinë italiane, është arrestuar pasi ka sulmuar gruan e tij teksa ajo ishte duke fjetur.
Sipas mediave italiane, denoncimi është bërë nga vetë gruaja e shqiptarit, e cila ka treguar se ndërsa ishte në shtrat, bashkëshorti ishte hedhur mbi të duke e goditur. Ajo ka dëshmuar se i ka ardhur në ndihmë djali i tyre i mitur, por edhe ai më pas është rrahur nga i ati.
Pas mbërritjes së policisë, fillimisht shqiptari ka bërë rezistencë ndaj tyre duke mos u qetësuar, ndërsa më pas është dërguar në komisariat për gjykim të mëtejshëm.
48-vjeçari shqiptar, identiteti i të cilit nuk bëhet i ditur, akuzohet për abuzim në familje, lëndime të rënda, kërcënime dhe rezistencë ndaj një zyrtari publik.
Discussion about this post