Ricky Martin është futur në telashe me autoritetet. Mësohet se ndaj tij është lëshuar një urdhër ndalimi pas kallëzimit që i bëri në polici ish-partneri i tij. Sipas gazetës portorikane El Vocero, personi në fjalë kishte qenë në një lidhje për 7 muaj me këngëtarin para se të ndaheshin.
Personi i paidentifikuar pretendon se Martin nuk e ka pranuar ndarjen dhe është parë pranë shtëpisë së tij të paktën tre herë. Sipas El Vocero, ata “u ndanë dy muaj më parë, por këngëtari nuk e pranonte këtë. Ai e telefonon shpesh.
Përveç kësaj, ai e ka parë rreth banesës së tij të paktën në tre herë.
Personi ka frikë për sigurinë e tij”. Ndërkohë, këngëtari është shprehur se urdhri bazohej në akuza “plotësisht të rreme” dhe ai u zotua se do të përballet me fakte.
Discussion about this post