Dhunoi një grua në mes të Tiranës, arrestohet 39-vjeçari i dënuar për vrasje

Një 39-vjeçar, i dënuar për vrasje ka rënë në prangat e policisë pasi ngacmoi seksualisht dhe dhunoi një shtetase në Tiranë. Mësohet se ngjarja ndodhi në sheshin “Skëndërbej”, ku ky shtetas kishte ngacmuar një grua dhe e kishte dhunuar atë.

“Ngacmoi seksualisht dhe dhunoi një shtetase, kapet dhe vihet në pranga nga shërbimet e Komisariatit të Policisë Nr. 3., 39-vjeçari, i dënuar më parë për vrasje.

Shërbimet e Komisariatit të Policisë Nr. 3, pas marrjes së njoftimit se në sheshin “Skënderbej”, një shtetas kishte ngacmuar seksualisht një shtetase dhe e kishte goditur atë me grushte, menjëherë kanë organizuar punën për kapjen e tij.

Brenda pak minutave, nga shërbimet e Komisariatit të Policisë Nr. 3, është bërë kapja dhe arrestimi në flagrancë i shtetasit S. M., 39 vjeç, për veprat penale “Ngacmimi seksual” dhe “Dëmtime të tjera me dashje”.

Nga veprimet e mëtejshme hetimore ka rezultuar se ky shtetas, më datë 11.07.2022, në sheshin “Skënderbej”, ka goditur me grushte shtetasin A. D. dhe më pas i ka marrë me dhunë aparatin celular.”-njofton policia.