Një 34-vjeçar, i cili dyshohet se ka dhunuar një efektiv policie, madje i ka marrë edhe armën, është vetëdorëzuar në polici, ku ka dorëzuar edhe armën që i mori policit.
Ngjarja ka ndodhur mbrëmjen e së shtunës, ndërsa efektivi i policisë nuk ishte në shërbim, gjatë incidentit.
Gjithashtu policia ka proceduar penalisht në gjendje të lirë edhe një 33-vjeçar, që dyshohet se ishte prezent gjatë konfliktit.
Njoftimi i policisë:
Specialistët për Hetimin e Krimeve të Komisariatit të Policisë Nr. 6 arrestuan shtetasin E. T., 34 vjeç, banues në Tiranë, si dhe proceduan penalisht në gjendje të lirë shtetasin R. N., 33 vjeç, banues në Kamëz.
Këta shtetas, mbrëmjen e djeshme, rreth orës 23:00, në rrugën “Foto Xhavella”, dyshohet se si pasojë e një konflikti të çastit, janë konfliktuar dhe kanë goditur me grushte një shtetas, (punonjës Policie jashtë shërbimit), i kanë marrë armën e shërbimit, dhe më pas janë larguar.
34-vjeçari është vetëdorëzuar më pas në Polici, ku ka dorëzuar dhe armën e punonjësit të Policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Discussion about this post