Një 34 vjeçar u arrestua nga policia e Durrësit për dhunë në familje. Sipas burimeve zyrtare, shtetasi J.Gj, 34 vjeç, banues në Durrës, u arrestua pasi ka ushtruar dhunë ndaj prindërve të tij, të cilët ishin të pajisur me urdhëra mbrojtjeje.
Gjithashtu specialistët për Hetimin e Krimeve të Komisariatit të Policisë Durrës arrestuan në flagrancë shtetasit D. K., 34 vjeç, banues në Durrës dhe Sh. R., 23 vjeç, banues në Cërrik, pasi i kanë vjedhur celularin, një shtetaseje.
Po kështu u kap shtetasi i shpallur në kërkim S. M., 50 vjeç, banues në Shkodër, pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg”, për veprën penale “Vjedhja”.
Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin A. Y., 42 vjeç, banues në Lushnjë, pasi ka vjedhur një shumë parash, në një dyqan me bimë dekorative.
Discussion about this post