Reperi Arkimed Lushaj, i njohur ndryshe si Stresi, është një ndër 34 të arrestuarit që morën pjesë në protestën e djeshme para selisë blu.
Policia bën me dije se mbi të arrestuarit rrëndojnë akuza të ndryshme penale ku kryesoret janë shkatërrimi i pronës publike, përdorimi i mjeteve të ftohta, shkelja mbi lëndët plasëse, djegëse dhe radioaktive.
Një ditë më parë, përmes një fotoje të publikuar në Instagram, Stresi bënte me dije se po shoqërohej në komisariat, ndërkohë sot policia ka bërë me dije arrestimin e tij bashkë me 33 protestues të tjerë. Ndër të tjera, policia njoftoi se gjithashtu janë proceduar penalisht edhe deputetët Flamur Noka dhe Gazment Bardhi.
Discussion about this post