Gjatë 24 orëve të fundit në qytetin e Fierit janë arrestuar dy persona dhe janë proceduar penalisht dy të tjerë për vepra të ndryshme penale.
Kështu, në prangat e policisë ka rënë 43-vjeçari Shpëtim Muharremi, i cili ishte shpallur në kërkim pasi ndaj tij kishte një vendim nga Gjykata e Apelit të Vlorës të masës “arrest me burg”.
Sipas njoftimit, është arrestuar gjithashtu Dashamir Shehaj, 55 vjeç, banues në Patos pasi ka ushtruar dhunë fizike dhe psikologjike ndaj vajzës së tij.
Ndërkohë, është proceduar penalisht H. H., pasi në Daullas, Fier, duke djegur mbeturina në tokën e tij, zjarri ka dalë jashtë kontrollit dhe ka djegur një sipërfaqe me shegë.
Gjithashtu, filloi procedimi penal për veprën penale “Plagosje e lehtë me dashje” për A. H., 26 vjeç dhe L. Dh., 50 vjeç, pasi për motive të dobëta janë goditur me njëri-tjetrin me sende të forta. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.
