Dhunon gruan me urdhër mbrojtje, arrestohet 34-vjeçari në Elbasan

Edhe pse e pajisur me urdhër mbrojtje, një grua nga Elbasani është dhunuar fizikisht nga bashkëshorti i saj, me inicialet I.D.

Bëhet fjalë për 34-vjeçarin i cili është arrestuar nga blutë e Elbasanit për veprën penale “Dhuna në familje” dhe “Veprime në kundërshtim me vendimin e gjykatës”, pasi ka ushtruar dhunë fizike ndaj bashkëshortes së tij e cila është e pajisur me urdhër mbrojtjeje.

“Specialistët e Hetimit të Krimit të Komisariatit të Policisë Elbasan arrestuan në flagrancë shtetasin I. D., 34 vjeç, banues në lagjen “Dyli Haxhire”, Elbasan, për veprat penale “Dhuna në familje” dhe “Veprime në kundërshtim me vendimin e gjykatës”, pasi ka ushtruar dhunë fizike ndaj bashkëshortes së tij, shtetases  A. D., e cila është e pajisur me urdhër mbrojtjeje”.

Së fundmi, materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.