Një 41-vjeçar në Pogradec është arrestuar, pasi dyshohet se ka dhunuar nënën e tij.
Në pranga ka rënë shtetasi E.P, banues në fshatin Radokal i Poshtëm.
“Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin E. P., 41 vjeç, banues në fshatin Radokal i Poshtëm, Pogradec, pasi dyshohet se ka ushtruar dhunë fizike ndaj nënës së tij”, njofton policia.
Policia referoi materialet në Prokurori edhe për një 25-vjeçar, që akuzohet se ka ushtruar dhunë ndaj babait të tij.
“Po këta specialistë referuan materialet në Prokurori dhe shpallën në kërkim shtetasin R. L., 25 vjeç, banues në Pogradec, pasi dyshohet se ka ushtruar dhunë fizike ndaj babait të tij, i cili pasi mori mjekim në spital u largua në banesë”, njofton policia.
Discussion about this post