Policia e Shkodrës ka bërë me dije se ka arrestuar disa persona ditën e djeshme, ku më e rëndë ishte një 57-vjeçar i cili ushtronte dhunë psikologjike ndaj bashkëshortes së tij.
DVP Shkodër/Vihen në pranga 2 shtetas dhe procedohet në gjendje të lirë 1 tjetër, për vepra të ndryshme penale.
Specialistët për Hetimin e Krimeve të Komisariatit të Policisë Shkodër ndaluan shtetasin A. R., 57 vjeç, banues në Shkodër, pasi ka ushtruar dhunë psikologjike ndaj bashkëshortes së tij.
Specialistët e Qarkullimit Rrugor arrestuan shtetasin A. H., 29 vjeç, banues në fshatin Golem, Shkodër, pasi u kap duke drejtuar automjetin, në gjendje të dehur.
Specialistët e Qarkullimit Rrugor referuan materialet në Prokurori ku nisi procedimi në gjendje të lirë për shtetasin G. I., 45 vjeç, banues në fshatin Nikç, Malësi e Madhe, pasi mesditën e djeshme, në aksin rrugor “Bajzë-Koplik”, automjeti që drejtonte 45-vjeçari është përplasur me automjetin që drejtonte shtetasja K. K., 32 vjeçe. Nga përplasja është dëmtuar lehtë 32-vjeçarja.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post