Policia italiane ka arrestuar një mësuese në Brescias, Itali për keqtrajtim dhe lëndime të rënda të një fëmije me aftësi të kufizuar që ajo ndiqte. Pas denoncimit të prindërve të cilët raportuan se në trupin e vajzës së tyre kishin gjetur shenja të pakundërshtueshme dhune fizike, policia mori veprime për hetimin dhe parandalimin e rastit. Gjithashtu çifti ka vënë re një ndryshim të dukshëm në humorin dhe qëndrimin e fëmijës.
Mësuesja është kapur në flagrancë nga kamerave të fshehta në shkollën fillore në provincën e Brescias, ku karabinierët konstatuan se gjatë orarit të mësimit mësuesja dhunonte fizikisht në mënyrë të përsëritur fëmijën. Regjistrimet e ditës së parë zbuluan shuplaka, tërheqje flokësh dhe pickime.
Karabinierët, me urdhër të prokurorit Alessio Bernardi, kanë ndërhyrë dhe kanë bërë të mundur arrestimin e saj. Gruaja u arrestua me akuzën e keqtrajtimit të rëndë dhe lëndimeve të rënda në dëm të një të mituri me aftësi të kufizuara.
Discussion about this post