Me 40 vite burg në total janë dënuar tetë shqiptarë pjesë e një bande kriminale në Angli. Shqiptarët u vunë në pranga pasi rrëmbyen një shtetas anglez, i cili hyri në fabrikën e kanabisit që grupi posedonte, njofton gjykata e Southampton.
Pamjet tronditëse të dokumentuara me video, dëshmuan momentin kur shqiparët dhunojnë anglezin.Një nga anëtarët e bandës shihet duke mbajtur një pistoletë imituese dhe një tjetër duke tundur një shtyllë metalike.Ndërkohë, njeriu që filmon videon tund para kamerës një shpatë.
Avokati i prokurorisë, Kerry Maylin, tregoi se si viktima e rrëmbimit u detyrua të futej në pjesën e pasme të një BMË jashtë pronës në zonën e Shën Marisë të qytetit.
Në një video tjetër, dallohet se si anglezi grushtohet në kokë në mënyrë të përsëritur nga një prej të pandehurve. Me fytyrën e mbuluar me gjak, ai dëgjohet duke bërtitur dhe duke rënkuar nga dhimbja.
Gjykata dëgjoi se si një nga të pandehurit, “kopshtari i kanabisit”, dëgjoi se si dukish po futej në ndërtesë dhe thirri anëtarët e tjerë të pastronin vendin.
Viktima e dhunës nga shqiptarët ishte vozitur rreth Southampton për rreth 30 minuta përpara se të lirohej.
Policia më vonë gjeti rreth 96 bimë me një vlerë prej rreth 40,000 £.
Të gjithë përveç Hoxhës u akuzuan për rrëmbim – i cili akuzohej edhe për prodhimin e një droge të klasit B.
Armando Topalli – 7 vjet e 6 muaj
Bixiado Halilaj – 4 vjet e 6 muaj
Arben Lleshi – 4 vjet e 6 muaj
Spartak Demiraj – 4 vjet
Aranit Topalli – 6 vjet
Zef Gjoka – 4 vjet e 6 muaj
Lavdrim Ismaili – 4 vjet
Edison Hoxha – 3 vjet e 4 muaj
Discussion about this post