Pesë adoleshentët që dhunuan kamerierin 17-vjeçar në ambientet e punës në lagjen “22 Tetori” në orët e para të mëngjesit të së martës (26 mars) janë lënë të lirë.
Ndaj të miturve me iniciale R. Q., G. Q., I. B., A. F. dhe A. C., secili 16 vjeç, nisi procedimi në gjendje të lirë.
“Në vijim të informacionit paraprak të dhënë dje, për një konflikt ndërmjet disa të miturve, në lagjen “22 Tetori”, ju informojmë se në përfundim të veprimeve të para procedurale, specialistët e Seksionit për Hetimin e Krimeve të Komisariatit të Policisë Berat referuan materialet në Prokurori, ku nisi procedimi në gjendje të lirë për shtetasit e mitur R. Q., G. Q., I. B., A. F. dhe A. C., secili 16 vjeç, të gjithë banues në Berat, pasi dyshohet se në bashkëpunim me njëri-tjetrin, për motive të dobëta, kanë dhunuar fizikisht, një 17-vjeçar”, njofton policia.
Discussion about this post