Një person ka rënë ën pranga ditën e sotme dhe dy të tjerë janë shpallur në kërkim, pasi grabitën një shtëpi në Kurbin. Ngjarja ka ndodhur në janar të këtij viti në fshatin Vinjollë të Kurbinit janë bërë të ditur. Policia informon se në pranga ka përfunduar Egli Durma ndërsa në kërkim është shpallur Islam Kabili dhe Gilmando Bami.
Vetëm pas kaq javësh hetime, policia mundit të zbulojë autorët dhe të zbardh dinamikën e ngjarjes. Tregohet se, tre autorët u futën me maska dhe me uniforma kamuflazhi brenda banesës së personit me inicialet A.L. Me anë të dhunës ata arritën që të merrnin shumën 150.000 lekë të reja.
Gjatë kontrollit të banesës së Egli Durmës, janë gjetur dhe sekuestruar në cilësinë e provës materiale, disa veshje të cilat dyshohen të jenë përdorur nga ky person gjatë kryerjes së veprës penale. Grupi hetimor vijon punën pasi dyshohet se këta persona mund të jenë autorë të një sërë vjedhjesh të tjera.
Discussion about this post