Tre efektivë të “Shqiponjave” në Durrës janë pezulluar nga detyra ditën e sotme. Me urdhër të Prokurorisë drejtoria Rajonale e AMP Durrës ka zbatuar vendimin “Pezullim i ushtrimit të një detyre a shërbimi publik” ndaj tre efektivëve të Drejtorisë Vendore të Policisë Durrës. Të tre të pezulluarit dyshohet se kanë dhunuar një të arrestuar pak ditë më parë.
Me vendim të Gjykatës së Shkallës së Parë Durrës janë pezulluar plotësisht nga ushtrimi i detyrës punonjësit e policisë:
– Inspektore B. GJ., me detyrë Trupë Shërbimi në Sektorin e Forcës së Posaçme “Shqiponja” në DVP Durrës.
– Inspektor H. H., me detyrë Trupë Shërbimi në Sektorin e Forcës së Posaçme “Shqiponja” në DVP Durrës
– Inspektor R. H., me detyrë Trupë Shërbimi në Sektorin e Forcës së Posaçme “Shqiponja” në DVP Durrës.
Sipas të dhënave shtetasi A. K. është shoqëruar më datë 06.11.2021 dhe gjatë kohës që ka qëndruar në dhomat e sigurisë, punonjësit e policisë të mësipërm kanë ushtruar dhunë ndaj tij. Pas verifikimeve, prokuroria ka urdhëruar pezullimin e menjëhershëm nga detyra të tre efektivëve.
Discussion about this post