Transferimi i brazilianit Antony nga Manchester United për 100 milionë euro në verë, është një nga ato manovra merkatoje që ka shkaktuar më shumë debat. Fantazisti ishte kërkesë specifike e trajnerit holandez të “Red Devils”, Eric Ten Hag, me të cilin kishte punuar gjatë te skuadra e Ajaxit. Megjithatë, ndikimi i Antony në Premier League deri më tani ka qenë mjaft modest. Ai, në të gjitha kompeticionet, ka shënuar 5 gola në 24 ndeshje.
Shifra aspak emocionues duke pasur parasysh shumën e madhe të shpenzuar për kartonin e tij. Ish-sulmuesi italian, Paolo Di Canio, i cili mbahet mënd për kohën e tij te klubi i Lazios, ka komentuar me ironi performancën e brazilianit në “Sky Sport”.
“100 milionë e ta shohësh të rrotullohet nga vend, është vërtet shumë. Ai bën thjesht pirueta dhe rrezikon të këpusë ligamentet pa ndërhyrjen e kundërshtarëve”.
Një akuzë e rëndë nga një futbollist që e njeh shumë mirë Premier Leaguen, pasi ka veshur fanellat e Sheffieldit dhe Ëest Hamit në Angli.
Discussion about this post