Përfaqësuesi Special i Bashkimit Evropian për dialogun Kosovë-Serbi, Miroslav Lajçak, vazhdon vizitën e tij në Itali ku është takuar ne nënsekretarin italian të shtetit Benedetto Della Vedovam. Lajmin e ka bërë të ditur vetë Lajçak, i cili tha se thelbi i diskutimeve ka qenë situata në Ballkanin Perëndimor dhe dialogun Kosovë-Serbi.
Lajçak shprehet se ka vënë në dijeni Della Vedovam për ecurinë e deri më tanishme dhe gjithashtu ka theksuar se hapa të tjerë të rëndësishëm pritet të hidhen nga vendet e Ballkanit. “Në Romë, pata kënaqësinë të diskutoj me nënsekretarin italian të shtetit Benedetto Della Vedovam, lidhur me zhvillimet e fundit në Ballkan. E përditësova për gjendjen aktuale të dialogut dhe hapat që kemi përpara. Faleminderit Italisë për mbështetjen e saj të madhe për punën time dhe integrimin e rajonit në BE”, ka shkruar Lajçak në Twitter. Ai shprehet se procesi i integrimit për vendet e Ballkanit do të ecë përpara dhe nuk ka më hapa pas.
Discussion about this post