Dialogu Kosovë-Serbi nuk ka arritur akoma në një pikë darkodësi pavarësisht shumë kohëve përpjekje. Por, analistët politikë dhe ndjekës së ecurisë së dialogut në Kosovë fajësojnë edhe BE për zvarritjen e kësaj çështjeje. Gjatë një interviste televizive, analisti Dritëro Arifi shprehet se BE duhet të jetë më serioze në trajtimin e temave të dialogut dhe të ketë një imponim më të fuqishëm. Gjithashtu ai kërkoi ndërhyje më shumë për këtë çështje nga ana e Shteteve të Bashkuara.
“BE-ja po dëshiron të mbajë dialogun gjallë që të krijojë një ambient më paqësor. Ky është qëllimi final i BE-së si është duke e parë dhe shkuar hap pas hapi për të krijuar një paqe. Dështimi po tregon se palët nuk janë të interesuara për të zgjidhur problemin, dialogu bëhet për të zgjidhur problemin jo për t’i ikur…BE duhet të jetë më serioze me temat dhe të njëjtat duhet të jetë të afatizuara. Jemi duke e ripërsëritur se kështu nuk mundet të zhvillohet dialogu mes dy shteteve të armiqësuara. Duhet një imponim më i fuqishëm. Do të jetë e paevitueshme përfshirja e ShBA-ve në procesin përfundimtar. Nga këndvështrimi im procesi do të imponohet nga dy palët pasi po vërehet se pa një kompromis dhe asnjëra palë nuk po e bënë hapin e parë. Të njëjtin i takon ta bëjë Serbia për shkak të dëmeve dhe krimeve që i ka bërë në Kosovë”, thotë ai.
Nga ana tjetër edhe hulumtuesi në Grupin për Studime Juridike dhe Politike, Arbër Fetahu, kërkon me ngulm përfshirjen më të madhe të ShBA-së në procesin e dialogut e sheh si të mirëseardhur për Kosovën. “Gjithmonë imponimi i ShBA-së është i mirëseardhur për Kosovën, por linja zyrtare e ShBA-së është udhëheqës i dialogut zyrtar është Bashkimi Evropian. Besoj që Kosova mund të bëjë më shumë, në kuptimin e proaktivitetit që të përafrohet më shumë me ShBA-në në qëndrime dhe të ketë sa më shumë unifikim mbi dialogun me palën amerikane. Marrë parasysh se ShBA-ja ka pikëpamje të qartë as i përket Kosovës dhe shtetësisë së saj. Edhe letra e zotëri Biden tregoj që dialogu Kosovë-serbi duhet të përfundojë me njohje reciproke. Çdo përafrim me ShBA-të dhe në thelb e ka njohjen reciproke dhe i bënë nderë Kosovës”, thotë Fetahu.
Sipas tij, edhe takimet e ardhshme që mund të ndodhin të nivelit të lartë nuk do të sjellin diçka konkrete. Përgjatë dy ditëve të, zëvendëskryeministri i Kosovës, Besnik Bislimi qëndroi në Bruksel, mirëpo po arritur të ketë takim me homologun e tij nga Serbia, Petar Petkoviç.
Discussion about this post