Sekretari i Shtetit Gjerman, Miguel Berger, deklaroi gjatë një interviste për DW se dialogu Kosovë-Serbi duhet të arrihet sa ma shpejt. Sipas tij, vendet duhet të arrijnë në dakordësi pa humbur kohë edhe nëse do të jenë kompromise të dhimbshme.
Këtu ai theksoi se Gjermania do të japë mbështetjen e plotë për këtë çështje derisa të arrihet një marrëveshje.
“Zgjidhja e konfliktit mes Serbisë dhe Kosovës duhet të arrihet sa më shpejt. Të dyja vendet, dhe i gjithë rajoni, por nga mungesa e përparimit në zhvillimin dhe stabilitetin e tyre. Prandaj, përparimi në dialogun e ndërmjetësuar nga BE është shumë i rëndësishëm. I dërguari special i BE -së për dialog, Miroslav Lajčák dhe Përfaqësuesi i Lartë Josep Borrell, kanë mbështetjen tonë të plotë. Ata janë duke bërë pikërisht atë që tani për tani është e drejtë: T’i ulin të dyja palët në bisedime. Në fund, do të nevojiten të bëhen edhe kompromise të dhimbshme, në mënyrë që negociatat të përmbyllen me një marrëveshje gjithëpërfshirëse, të qëndrueshme dhe detyruese, që do t’u mundësojë të dy vendeve të bashkohen me BE-në”, u shpreh Berger.
Ndër të tjera, Bergner deklaroi se të dy vendete duhet të marrin përgjegjësitë e veta dhe vetëm në këtë mënyrë do të sheshohet e kaluara.
“Një parakusht i rëndësishëm është që çdo palë të përballet me përgjegjësinë e vet. Përballja me të kaluarën është e mundur vetëm mbi këtë bazë. Unë e theksova këtë edhe në diskutimet e mia në rajon. Sidoqoftë, përballja me të kaluarën nuk duhet të jetë parakushti i dialogut, sepse kështu bisedimet do të jenë të pamundura. Në këndvështrimin tim është e anasjella: Një marrëveshje e suksesshme mes Kosovës dhe Serbisë do ta bënte më të lehtë përballjen me të kaluarën”, tha ai.
