Mijëra emigrantë kanë vërshuar në Shqipëria, në protestën mbarëkombëtare në Tiranë që do të mbahet mbrëmjen e kësaj të shtune.
Me flamuj kuqezi dhe me dhjetëra-qindra makina, diaspora i është përgjigjur thirrjes së protestuesve për t’u ngritur kundër qeverisë së Edi Ramës.
Me thirrjet ‘Dorëheqje’, diaspora kaloi nëpër pikën Kufitare të Muriqanit në Shkodër, për t’u bashkuar këtë mbrëmje me shqiptarët, së pari në sheshin Skëndërbej dhe më pas në bulevardin ‘Dëshmorët e Kombit’.
Adriatik Lapaj ka publikuar një video në rrjete sociale ku tregon se ka nisur hyrja në atdhe e autokolonës së mërgatës nga pika kufitare e “Murriqanit, por edhe nga pika të tjera.
“Sapo ka nisur hyrja në atdhe e autokolonës së mërgatës nga pika kufitare e “Murriqanit”!
Prej 20 netësh me radhë, qindra-mijëra qytetarë kanë marrë pjesë në protestat më të mëdha masive që Shqipëria ka parë në këto 36 vite tranzicion.
Discussion about this post