Është arrestuar ditën e sotme autori i vrasjes së 23-vjeçarit Benard Tonuzi, vëllai i tij 26-vjeçar Florian Tonuzi.
Mësohet se, 26-vjeçari është afruar pranë shtëpisë, në momentin që është ngritur kufoma dhe po përcillej në banesën e fundit. Ai është parë nga djemtë e lagjes, të cilët e kanë thirrur, por ai është larguar menjëherë, duke u futur në një banesë të braktisur.
Forca të shumta të FNSH dhe Policisë së Dibrës, të armatosur me kallashnikovë, i janë afruar banesës së braktisur pasi u dha sinjali se autori i vrasjes fshihet aty.
Por njoftohet se autori nuk është arrestuar në atë moment, sepse policia në banesën e braktisur ka gjendur vetëm një palë këpucë dhe është larguar. Bëhet me dije se ai është kapur pak minuta më vonë brenda lagjes, ku ndodhi krimi tragjik.
