Këtë të premte, ish-kryeministri Sali Berisha mbajti një takim me qytetarë dhe intelektualë në zonën e Prrenjasit. Në fjalën e tij, Berisha u ndal tek situata ekonomike në vend dhe kriza energjetike. Ai akuzoi kryeministrin Rama se pasi ka zbrazur digat e hidrocentraleve ka sjellë në Shqipëri dy gjenerator monstroz nga Bangladeshi të cilët prodhojnë miliona tonë squfur dhe do të mbysin qytetarët e Vlorës.
Berisha gjithashtu u ndal dhe te afera e inceneratorëve, ku tha se qeveria ka vjedhur 420 milionë euro për këtë aferë dhe asnjë djegës i pretenduar nuk është funksional.
“Digat i zbarazi që të fillojnë punën dy gjeneratorë monstruoz të sjellë nga Bangladeshi, që u vendosën në Portin e Vlorës dhe prodhojmë miliona tonë squfur se punojnë me mazut. Tani për të qetësuar thoshte Skavica do n ai zgjidh të gjithë problemet. Vlorën po e mbyt, Dibrën po e zhduk dhe këto po kërkon t’i mbulojë me propagandë. Ky ka kaluar çdo limit dhe çdo gjë. Merr dhe firmos aferën e djegësve 420 milionë euro, asnjë djegës nuk është më në punë. Dhe Elbasani që filloi tani nuk funksionon më. Por qytetarët shqiptarë paguajnë 420 milionë euro të ndara midis Edi Ramës, Ëngjëll Agaçit, Arben Ahmetajt, Erion Veliajt dhe Lefter Kokës. Do thoni ju ku e din ti? Po e di unë se një kryeministër që të mos mund pasurohet vetë ka ligje dhe nëse zbaton ligje ai nuk mund të grabis. Nëse ai nuk zbaton ligjin do të thotë që vjedh për veten e tij. Sot asnjë djegës nuk punon. Të njëjtën gjë bën me Butrintin me Portin e Durrësit dhe me radhë” – tha Berisha
Discussion about this post