Volodymr Zelensky nuk do të marrë pjesë në takimin virtual me senatorët amerikanë të planifikuar për në orën 21:00.
Këtë e ka bërë të ditur lideri demokrat i Senatit, Chuck Schumer. “Zelensky, ai nuk ia doli… Diçka ndodhi në minutën e fundit”, tha Schumer.
Gjithashtu, kryeministri japonez Fumio Kishida do të mbajë sot pasdite një samit të G7 në internet, në të cilin do të marrë pjesë edhe presidenti ukrainas Volodymyr Zelensky.
Këtë e ka bërë të ditur zëdhënësi i qeverisë japoneze Hirokazu Matsuno.
Udhëheqësit e G7 – shpjegoi Tokio – do të diskutojnë “çështje të rëndësishme me të cilat përballet komuniteti global”, duke përfshirë situatën në Ukrainë dhe Lindjen e Mesme.
Ukraina “rrezikon të humbasë luftën pa ndihmën e mëtejshme ushtarake të SHBA”.
Kështu tha shefi i kabinetit të presidentit ukrainas Volodymyr Zelensky, Andriy Yermak, duke folur në një takim të Institutit Amerikan të Paqes në Uashington, cituar nga BBC. “Do të ishte e vështirë të ruheshin të njëjtat pozicione dhe që popullsia të mbijetonte,” paralajmëroi ai.
Discussion about this post