Diego Alonso është zyrtarizuar si trajneri i ri i Kombëtares së Uruguajit, duke u rikthyer sërish pas rreth 51 vitesh. Ky lajm është bërë publik nga federata e këtij vendi mbrëmjen e së martës.
Ky vendim vjen një muaj pas shkarkimit të Oscar Tabarez, i cili u largua nga detyra për shkak të rezultateve të dobëta.
Alonso do të drejtojë pankinën e përfaqësueses së vendit të tij, për të cilën dikur ka pas luajtur. 46-vjeçari ka qenë trajner i Milan, Atletico Madrid si dhe shumë skuadrave të tjera.
Afati i kontratës me trajnerin e ri të kombëtares uruguajane nuk është komunikuar ende, por mediat vendase bëjnë me dije që e pakta do të përfundojë deri në fund të kualifikimeve të Amerikës së Jugut për Kupën e Botës 2022.
Aktualisht Uruguaji renditet në vendin e 7-të në grupin kualifikues të Amerikës së Jugut për “Katar 2022”, ndërsa kanë mbetur edhe 4 ndeshje për t’u zhvilluar. Bazuar në rregulloren e FIFA-s, vetëm 4 skuadrat e para kualifikohen direkt për në Botëror, i 5-ti shkon në ‘play-off’./K.T/Gijotina.com
Discussion about this post