Kur nuk jeni në humor, një dietë e balancuar me fruta e perime mund të jetë gjëja e fundit që ju shkon ndërmend. Ndoshta do të preferoni një qese patatinash apo të porosisni diku pas një dite të lodhshme në punë. Depresioni stinor mund të përkeqësohet sepse shëtitjet janë zëvendësuar nga qëndrimi brenda në shtëpi. Kequshqyerja mund t’i përkeqësojë këto simptoma.
Kur humori s’është në gjendjen më të mirë, shkojmë drejt ushqimeve të pashëndetshme por në planin afatgjatë, përbërësit e përpunuar dhe sheqeri i shtuar mund të përkeqësojnë humorin. Përthithja e tyre është më e vështirë dhe ndikon në veshjen e hollë të zorrëve. Ushqimi i shëndetshëm kujdeset për zorrën dhe ruan ekuilibrin.
Një dietë e pasur ushqimore është shumë e rëndësishme, por disa ushqime kanë treguar se mund të përmirësojnë simptomat e depresionit.
Salmoni dhe trofta janë të pasur me vitaminë D dhe mund të ndihmojnë në çrregullime si depresioni dhe ankthi. Niveli i ulët i vitaminës D shkakton lodhje dhe humor të keq.
Frutat e thata si arrat shqeme dhe bajamet janë plot me acide yndyrore Omega-3.
Qiqrat. Mikroflora e zorrëve mund të lidhet me shëndetin emocional dhe stresin psikologjik. Ushqimet e pasura me fibra si qiqrat dhe perimet pasurojnë mikroflorën.
Kimchi, turshitë dhe ushqimet e fermentuara ekuilibrojnë florën e zorrëve.
Farat e kërpit kanë antioksidantë dhe Omega-3. Mjafton t’i shtoni në kos apo vaktin e radhës dhe do të konsumoni disa lëndë ushqyese që s’do t’i dalloni fare.
Manaferrat, boronicat dhe çfarëdo që lidhet me familjen e tyre janë shumë të mira për të zëvendësuar ëmbëlsirat dhe ulur inflamacionin.
Vezët kanë proteinë dhe lëndë ushqyese ndaj këshillohen të hahen çdo ditë. Disa studime e kanë lidhur konsumimin e vezëve me rrezik më të ulët depresioni dhe sëmundjeve të tjera në moshë të thyer.
Specat kanë vitaminë A dhe C, ndërsa B6 ndihmon me stresin dhe depresionin. Këtë e kanë konfirmuar disa studime dhe speci është përplot me të.
Discussion about this post