Digjen 3 makina në një parking të Vlorës, dyshohet për zjarrvënie

Tri makina të parkuara janë djegur në të gdhirë në lagjen Pavarësia në Vlorë. Zjarrfikësit që ndërhynë arritën të shpëtonin të tjerat që ishin pranë tyre. Sipas burimeve nga vendi i ngjarjes, dyshohet se zjarri u është vënë qëllimisht.

Në njoftimin zyrtar të institucioneve thuhet: “Në orën 4:55 të datës 18 korrik 2023, shërbimi zjarrfikës mori njoftim për një zjarr në  dy  apo tri mjete veturë. Menjëherë u nisën për në vendngjarje dy mjete zjarrfikse . Në vendngjarje u konstatua se kishin marrë flakë dy vetura dhe se rrezikoheshin shumë të tjera të parkuara njëra pas tjetrës.

Menjëherë u bë izolimi i zjarrit për të mos u përhapur ne mjete të tjera dhe më vonë fikja plotëssht e zjarrit. Nga zjarri u dogjën dy vetura dhe pjesërisht një e tretë Shkaku i zjarrit mendohet i qëllimshëm.”