Një sipërfaqe të mbjellë me ullinj në zonën e Gjerbsit në Mallakastër është përfshirë nga flakët. Mësohet se deri tani janë djegur rreth 4 hektarë tokë të mbjellë me ullinj shekullor. Sipas shefit të repartit zjarrfikës të Mallakastrës, Reonardo Zotaj për shkak të erës, flakët rrezikojnë të përfshijnë edhe banesat që ndodhen pranë, edhe pse po punohet me të gjitha forcat për shmangien e përhapjes së flakëve.
Gjithashtu mësohet se sapo është marrë njoftimi për një vatër zjarri në fshatin Gjerbës, pranë vendi të ngjarjes janë nisur efektivë të këtij reparti, të cilët janë në luftë me flakët, edhe pse terreni i thyer nuk e favorizon shuarjen e menjëhershme të tyre, ndaj janë duke u përdorur edhe mjete rrethanore. Ende nuk dihen shkaqet e rënies së zjarrit, ndërsa ai ndihmohet edhe nga temperaturat e larta dhe era.
Discussion about this post