Digjen 6 automjete të një biznesi makinash me qira në Kamëz, dyshohet se…

Mëngjesin e sotëm janë djegur 6 automjete të një biznesi të makinave me qira në Kamëz. Dyshohet se zjarrvënia ka qenë e qëllimshme.

Policia e ka siguruar pamjet kur autori i ka vënë flakën 6 automjeteve të parkuara që jepeshin me qira. Dëmi konsiderohet i madh teksa në listën e mjeteve të shkrumbuara bëjnë pjesë: Golf 6, Golf 5, Audi A6, dy KIA dhe një Mercedes S-Class.

Zjarrvënia ka ndodhur rreth orës 05:07 të mëngjesit të sotëm teksa flakët e zjarrit janë përhapur në zonë dhe është kërkuar ndërhyrja e forcave zjarrfikëse.