Dy makina janë djegur gjatë natës në zonën e njohur si ish-URT në Durrës. Makinat kanë qenë të parkuara në afërsi të njëra-tjetrës, ndërsa ende nuk dihen shkaqet e zjarrvënies.
Policia po shikon kamerat e sigurisë në zonë për të zbuluar shkakun e zjarrvënies.
Mësohet se njëri prej automjeteve është i kryeinxhinierit të OSHEE, Durrës, shtetasit Arben Alushi.
Dyshohet se zjarrvënia ka qenë e qëllimshme.
Siç shihet nga pamjet, pjesa e përparme e makinave është djegur plotësisht.
Njoftimi i policisë
Në orët e para të mëngjesit, në lagjen nr. 17, në automjetin tip “Benz” të parkuar, në pronësi të shtetasit A. A., ka rënë zjarr.
Si pasojë e përhapjes së flakëve është djegur dhe një automjet tjetër, në pronësi të shtetasit E. H., që ishte i parkuar pranë automjetit tip “Benz”.
Grupi hetimor, në drejtimin e Prokurorisë, vijon punën për zbardhjen e rrethanave dhe përcaktimin e shkakut të rënies së zjarrit.
Discussion about this post