Një banesë në Korçë është përfshirë nga flakët pasditen e kësaj të hëne. Ngjarja ka ndodhur në lagjen 12, në zonën e quajtur Çezma e Amzës.
Katër persona kanë qenë në banesë, ku tre anëtarët e familjes kanë mundur të dalin, ndërsa një prej tyre, Vasil Dolani (i cili ndryshe njihej edhe si Piro Dolani) rreth 60 vjeç ka ngelur brenda, i cili për fat të keq nuk ka mundur t’i mbijetojë flakëve.
Shërbimet zjarrfikëse ndodhen në vendngjarje për të bërë të mundur shuarjen e flakëve. Gjithashtu aty ndodhet dhe policia për të zbardhur shkakun e kësaj ngjarje të rëndë.
