Digjet banesa në Shkopet, shpëton mrekullisht çifti i të moshuarve

Digjet banesa në fshatin Shkopet, shpëtojnë mrekullisht çifti i bashkëshortëve. Ngjarja ka ndodhur rreth orës 2 të mëngjesit të së hënës.

Ngjarja mësohet se ka ndodhur rreth orës 2 të natës teksa çifti Gjergj e Dile Kola ndodheshin në gjumë.

Ka qenë kjo e fundit që ka konstatuar zjarrin teksa është çuar për të parë ilaçet dhe ka konstatuar flakët dhe menjëherë ka lajmëruar bashkëshortin dhe kanë dalë jashtë.

Ata janë munduar të shuajnë flakët me mjete rrethanore, ndërsa kanë lajmëruar edhe shërbimin zjarrfikës. E zonja e shtëpisë Dile Kola tha se zjarrfikësja ka shkuar me vonesë, ndërsa shprehet se natën e kanë kaluar jashtë.

Nga ana tjetër Dile Kola thotë se banesa e saj ka qenë e pabanueshme që nga tërmeti i 26 nëntorit të vitit 2019, por nuk kanë pasur strehim pasi çadra e dërguar më shumë se 4 vite më parë është prishur e gjitha.