Digjet një kamionçinë në hyrje të qytetit të Fierit. Mësohet se mjeti ka marrë flakë teksa ishte në ecje e sipër. Brenda tij ndodhej vetëm drejtuesi, shtetasi me iniciale J.K, banues në Durrës. Ky i fundit arriti të shpëtojë për mrekulli, ndërsa është djegur kamionçina me targa AA 912 OV e tipit Mercedes Benz. Me këtë mjet, shoferi transportonte materiale të ndryshme plastike.
Zjarrfikësja dhe policia kanë shkuar pranë vendit të ngjarjes.
Njoftimi i plotë:
Fier / Informacion paraprak
Rreth orës 13:50, në bypass_in “Fier-Vlorë”, dyshohet se si pasojë e një defekti në automjet, ka marrë flakë gjatë lëvizjes, automjeti tip kamioncin, me drejtues shtetasin J. K., banues në Durrës.
Nuk ka dëme në njerëz.
Grupi hetimor po punon për zbardhjen e shkakut të rënies së zjarrit.
Discussion about this post