Një makinë e parkuar pranë banesës së një qytetari është përfshirë nga flakët mëngjesin e sotëm në Elbasan. Burime nga policia për gijotina.com bëjnë me dije se ngjarja ka ndodhur rreth orës 04:55, në Lagjen “Vullnetari”.
Të njëjtat burime bëjnë gjithashtu me dije, se mjeti tip “Citroen” ka qenë në pronësi të personit të identifikuar me iniciale E. T., i parkuar në rrugë, pranë banesës së tij, ku është përfshirë nga flakët dhe është djegur pjesërisht.
Grupi hetimor po punon për sqarimin e rrethanave të ngjarjes dhe përcaktimin e shkakut të rënies së zjarrit në automjet.
Ndërsa paraprakisht shkak dyshohet të jetë bërë një shkëndijë elektrike.
Discussion about this post