Merr flakë taverna në Sarandë

Festa e grave në Sarandë përfundoi me dëme të mëdha. Një tavernë mori flakë gjatë mesnatës pas festimeve për ‘8 Marsin’.

Flakët nisën në orën 3 të mëngjesit dhe menjëherë janë njoftuar zjarrfikëset, të cilët kanë izoluar zjarrin i cili rrezikonte të përhapej edhe në ambjentet e banimit të godinës.

Pas ndërhyrjes së tyre u bë i mundur shuarja e zjarrit. Ende nuk dihen shkaqet e zjarrit, i cili ka shkaktuar dëme të shumta materiale, por fatmirësisht pa asnjë të lënduar.