Një zjarr ka përfshire një magazinë në ‘Don Bosko’ mesnatën e shkuar, për të cilën raportohen vetëm dëme të shumta materiale dhe asnjë i dëmtuar. Mësohet se, magazina në pronësi të personit me inicialet P.M, 31-vjeç mori flakë duke u shkrumbuar e gjitha. Policia informon se nga hetimet e deritanishme, shkak për shpërthimin e zjarrit ka qenë një shkëndijë elektrike.
Edhe pronari i magazinës shprehet, se nuk ka konflikte me askënd dhe nuk ka dyshime për zjarrvënie të qëllimshme. Në javën që lamë pas janë raportuar një sërë rastesh të tilla, ku banesat janë përfshirë në flakë. Dy më të fundit ishin në Gjirokastër, të cilët rezultuan fatal për dy të moshuar disa ditë më parë dhe 12- vjeçaren mbrëmjen e kaluar.
Discussion about this post