Digjet raundi i tretë për zgjedhjen e Presidentit të Republikës pasi opozita nuk solli asnjë kandidaturë në atë që u quajt si shansi i fundit nga mazhoranca për propozimin e kandidatit për Kreun e ri të Shtetit.
Në raundin e katërt mazhoranca ka paralajmëruar se do të jetë ajo që do të propozojë kandidatët për president që do të çohen më pas për votim në parlament. Në raundin e katërt dhe të pestë zgjidhet President kandidati i cili siguron më shumë se gjysmën e votave të të gjithë anëtarëve të Kuvendit, çka do të thotë se mazhoranca i ka votat. Nesër, e hënë më 30 maj, Kuvendi i Shqipërisë do të zhvillojë dy seanca plenare.
Sipas njoftimit zyrtar, në orën 10:00 do të zhvillohet seanca plenare për zhvillimin e votimit të tretë për zgjedhjen e Presidentit të Republikës.
Në orën 11: 00 do të vijojë seanca plenare, e cila në rendin e ditës do të ketë çështjet e parashikuara në Kalendarin e Kuvendit.
Discussion about this post