Një shtëpi në Ferizaj të Kosovës është shkrumbuar nga flakët, duke shkaktuar djegien e një fëmije 3-vjeçar. Ngjarja e rëndë ka ndodhur pasditen e së shtunës, ndërkohë që policia bën me dije se nga flakët ka pësuar lëndime trupore një fëmijë 3 vjeç.
“Rreth orës 17:00 në Ferizaj është raportuar se zjarri ka kapluar një shtëpi. Aty brenda në një dhomë ishte një fëmijë tre vjeç i lënduar nga tymi dhe flaka. Fëmija i lënduar është dërguar në QKUK-Prishtinë për tretman mjekësor. Rasti nën hetime”, deklaroi policia e Kosovës. Policia ka marrë në pyetje familjarët e fëmijës, ndërkohë që vijojnë hetimet për shkaqet e këtij zjarri.
Discussion about this post