Kreu i Këshillit Kombëtar të Partisë Demokratike, Edi Paloka, ka reaguar pas miratimit të programit të qeverisë nga Parlamenti në vetëm pesë minuta.
Përmes një postimi në Facebook, Paloka akuzoi kryeministrin Edi Rama për veprime arbitrare dhe shkelje të Kushtetutës.
Sipas tij, veprimet e qeverisë janë tregues i qeverisjes autoritare të Ramës dhe nevoja e opozitës për veprime konkrete kundër shkeljes së ligjit dhe institucioneve.
Postimi:
E të lumtë Rama o “mret”!
E shpërndau sot “mreti” Parlamentin! Perfundimisht!
Mire e ka. Kemi 12 vjet që denoncojmë skandalet, krimin, korrupsionin…E çfarë ndryshon ? Asgjë!
Ata vazhdojnë vjedhin, shkatrrojnë, poshtërojnë, nuk njohin as ligjet e Kushtetutën që kanë votuar vetë, çdo gjë bëhet si i teket “mretit”…e në fund “fitojnë” edhe më thellë…!
Ne themi jemi në diktaturë, po me sa duket nuk e kemi kuptuar as vetë këte!
Diktaturat nuk ikin as me fjalë e as me farsa zgjedhore!
A behemi dot nepalezë? Këtë nuk e them dot.
Discussion about this post