Abdullah Diku, specialist për çështjet mjedisore në një intervistë për Panorama TV ka folur në lidhje me kontratë e lidhur nga Ministria e Infrastrukturës dhe Energjisë për dy termocentralet “Tigri 1” dhe “Tigri 2” të vendosur në Vlorë, ku i cilësuar si një keqpërdorim të të mirave publike.
Diku tha se qeveria duhet të kujdeset më shumë për imazhin e vendit lidhur me turizmin, pasi sipas tij nuk ka nevojë që të investohet në TEC të cilat do prodhojnë energji me naftë e cila do i kushtojë më shumë taksapaguesve shqiptar por duhet të shohë dhe vijën bregdetare dhe mbeturinat që përplasen me bregdetin malazez, kroat apo grek.
Sakaq shtoi se Shqipëria duhet të ndjekë direktivat Europiane në lidhje me menaxhimin e mbetjeve, ku citoi ‘turistët vijnë me limuzinë dhe pastaj i hipim me gomar për t’i çuar aty ku duhet’, duke i referuar rastit të ndodhur sot ku një kroçerë me turistë nuk ka arritur të ankorohet dot në portin e Vlorës.
Pjesë nga intervista:
Janë cilësuar ndryshe si “Tigrat e Ballukut” pasi vjedhin mijëra euro ju i qëndroni kësaj qasje?
Unë thashë nga logjika ekonomike, kur energjia e prodhuar nga nafta është më e shtrenjtë, të gjitha dyshimet aty të çojnë. Është një keqpërdorim i të mirave publike, përmes një kompanie. Kjo kompani ka përdorur rrugët e biznesit të lobimit dhe ne paguajmë.
Si i komentoni ndërhyrjet që bëhen në vijën bregdetare?
Zhvillimet kaotike që ndodhin në vijën bregdetare sjellin impakte, kur vizitorët vijën me limuzinë dhe pastaj i hipim me gomar për t’i çuar aty ku duhet. Mund të jetë ndonjë trup për të justifikuar ndërhyrjet që duan të bëjnë aty. Pastaj ndonjë tender i madh mund të duket në zonë për të zgjidhur situatën.
A po dëmtohet imazhi i vendit tonë në sy të turistëve, të cilët përballen me problematika?
Po të ishte për imazhin e vendit ne e kemi ndotur dhe prishur çdo ditë. Që nga mbeturinat e Shqipërisë që përplasen me bregdetin italian, kroat, malazez apo grek. Pra nuk na i prish imazhin shumë ajo e kroçeres por duhen këto që duhen bërë më mirë.
A duhen më shumë masa për pastrimin e vendit nga mbeturinat?
Ne kemi një problem të madh për menaxhimin e mbetjeve, pasi ne anashkalojmë direktivën Europiane. Ne duhet të eliminojmë mbetjet në çdo njësi turistike apo banimi, nuk do ta zgjidhim kurrë në të kundërt. Mbetjet lihen kudo, hidhen në buzë të liqenit dhe lumit dhe që uji i merr dhe i çon në det./Panorama/
Discussion about this post