Ikona e filmave aksion, Jean-Claude Van Damme, këto ditë e ka vizituar Kosovën për të qenë në ambientet e qendrës Prishtina Mall për të promovuar markën e orëve, ‘Helfer’ nga Zvicra.
Gjatë kësaj vizite, pas një kohe të gjatë, aktori i famshëm hollivudian e ka takuar mikun e tij, Victor Hoxha, të cilin raportohet se dikur e kishte truproje.
“Ritakim pas 25 viteve, por tani në vendlindjen time, në Kosovë, me artistin e madh, mikun tim, Jean Claude Van Damme.
Para 25 viteve takoheshim në Belgjikë. Edhe pse ka kaluar kohë pa u takuar, edhe pse me famë botërore, është shumë modest.
Bisedat e shumta të para 25 viteve nuk i ka harruar, dhe sot e vazhduam aty ku i kemi lënë, atëherë, atë kohë.
Duke i njohur mirë protokollet e vizitave të artistëve nuk desha të ndërhyj e të turrem për takim, krejt kjo në shenjë respekti, por ja që miqtë si ky nuk të harrojnë, dhe sot më ftoi në takim e me shumë kënaqësi e vizitova dhe rikujtuam e biseduam po ato muhabete që i diskutonim në vitin 1998, por sot në një ambient ndryshe, dhe i kënaqur që në vendin tim.
Takimet e tilla më frymëzojnë gjithmonë”, shkruan në postimin e Hoxhës.
Discussion about this post