Sulmuesi i njohur malazez, Fatos Beqiraj i ka dhënë fund karrierës së tij si futbollist aktiv.
Klubi i fundit në karrierën e Beqirajt ishte Mornar në elitën e futbollit në Malin e Zi, ku ishte bashkuar nga Decici, në vitin 2022.
Në sezonin fundit, ai shënoi tetë gola dhe asistoi dy herë, në 37 paraqitje, ndërsa sot është prezantuar si drejtor sportiv i Decicit.
“Falënderoj trajnerët me të cilët kam punuar gjatë këtyre viteve, shokët e mi të skuadrës, të gjithë njerëzit që kanë punuar në klubet ku kam luajtur, vetë klubet që besuan tek unë dhe, më e rëndësishmja, falënderoj tifozët që më mbështetën”.
“Sot i them lamtumirë fushës së futbollit, por asnjëherë sportit. Futbolli do të jetë gjithmonë pjesë e imja. Tani është koha për një kapitull të ri në jetën time, një punë të re. Do të jem pjesë e sportit ndryshe”, ka shkruar sulmuesi në Instagram.
https://www.facebook.com/photo.php?fbid=725990506195664&set=a.133097548818299&type=3&ref=embed_post
Beqiraj e nisi karrierën në Kosovë, ku luajti për Shqiponjën dhe Besën.
Ai bëri karrierë nëpër shumë klube nëpër botë si: Mali i Zi (Buducnost). Kroaci (Dinamo Zagreb) Kinë (Yatai), Bjellorusi (Dinamo Minsk), Rusi (Dinamo Moskë), Belgjikë (Mechelen), Izraeli (Macabi Netanya, Bnei Yehuda), Polonia (Wisla), Kazakistani (Astana).
Për kombëtaren e Malit të Zi bëri 86 paraqitje dhe shënoi 15 gola.
Discussion about this post