Djali i ish-udhëheqësit libian Muammar Gaddafi, Saadi Gaddafi, i cili mbahej në një burg në Tripoli, Libi është liruar.
Ky lajm u konfirmua nga Ministria e Drejtësisë së këtij vendi, ndërsa mbahej në burg që nga viti 2014. Dikur lojtar i Perugias dhe aksioner te Juventus, Saadi u arrestua për krime të kryera kundër protestuesve më 2011 dhe vrasjen më 2005 të menaxherit libian të futbollit Bashir al-Rayani.
Saadi Gaddafi ka një të kaluar si futbollist profesionist, ku në 2003 bëri debutimin e tij në Serie A te Perugia. Kalimi i tij në Seria A u festua me një festë luksoze në “Torre Alfina”, në kështjellën e familjes Gauçi.
Megjithatë eksperienca e tij në elitën e futbollit italian zgjati shumë pak, pasi ai rezultoi pozitiv me doping pas ndeshjes Perugia-Reggina. Ai qëndroi vetëm një vit te ky klub, pasi ra në Serie B, Gaddafi u transferua në Udinese dhe më pas në Sampdoria.
Ndërsa në vitin 2002 Lafico (Kompania Libiane e Investimeve të Huaja Arabe), e kryesuar nga vetë Saadi, bleu rreth 6.4 milionë aksione të Juventusit, e barabartë me 5.31% të tyre./Gijotina.com
