Dikur aktori i njohur hollivudian Tom Cruise është cilësuar si një nga meshkujt më sexy, por së fundmi ylli i ka befasuar të gjithë me pamjen e re. Gjatë fundjavës Cruise është fotografuar se bashku me të birin, Connor në një lojë bejsbolli në San Francisco. Dyshja ishin në Oracle Park për të parë Giants që përballeshin me Dodgers në ndeshjen 2 të National League Division.
Sipas mediave, 59-vjeçari po buzëqeshte kur fytyra e tij u shfaq në mes të lojës në ekranin e madh.
Dalja publike e Tom ishte e rrallë pasi ai nuk paraqitet shpesh nëse nuk ka ndonjë xhirim.
Ndërkohë shikuesit bënë disa reagime në Twitter për pamjen e Cruise, duke thënë se dukej ndryshe nga pamja e zakonshme në ekran.
