Kupa e Kosovës për edicionin 2022-2023 i shkon Prishtinës. Skuadra kryeqytetase ka mundur në finale me shifrat 2-0 ekipin e Gjilanit duke siguruar për herë të tetë këtë trofe.
I teti për klubin, por i pari për Debatik Currin si trajner i parë i skuadrës bardheblu, e cila për fat të keq nuk mund të përfaqësohet në Europë pasi nuk është licencuar nga FFK-ja.
Të dy golat e ndeshjes erdhën në pjesën e dytë të sfidës, kur Hamiti i dha fillimisht avantazhin skuadrës së tij me një gjuajtje fluturimthi në minutën e 68, ndërsa Pefqeli dyfishoi shifrat në minutën e 76-të. Gjilani pa në fund të sfidës t’i anulohej një gol me VAR nga Zeka.
Përveç sukseseve në Kosovë, FC Prishtina mbahet mend për pjesëmarrjet e saj, në Ligën e Parë, në Ish-Republikën Federale Socialiste të Jugosllavisë. Një nga rezultatet e rëndësishme, të bardhebluve në atë kompeticion, ka qenë suksesi me shifrat 1-0, ndaj Partizanit të Beogradit.
Discussion about this post