Sara Hoxha është padyshim një ndër personazhet më të ndjekur dhe të komentuar në rrjetet sociale. Partnerja e Ledrit përpiqet të ndajë me ndjekësit e saj sa më shumë të jetë e mundur nga jeta e saj personale, teksa na e zbukuron gjithmonë ditën me foto e video të të voglës, që është kthyer në bebushen më të famshme të Instagram-it.
Së fundmi, ajo i ka dhënë mundësinë ndjekësve në rrjete sociale t’i bëjnë pyetjet për të cilat janë më tepër kuriozë dhe duket se njerëzit ende s’i kanë larë “hesapet” me emrin e Poem Blu.
Ndaj, mami Sarën ende e pyesin nga erdhi ky emër dhe kush e frymëzoi.
Në fakt, njëri prej ndjekësve u kishte sugjeruar çiftit këtë emër në Instagram, me të cilin ishin dashuruar menjëherë. Për këtë arsye, mami Sara dhe babi Ledri ranë dakord që fëmijën e tyre të parë ta quajnë Poem Blu. Por pse Poem?
Sara ka shpjeguar për ndjekësit se në fakt e vogla është si një Poem(ë), e shkruar nga vetë Sara dhe Ledri. E ku ka më bukur!
Poem Blu tani është kthyer në bebushin më të famshëm të momentit në Instagram, që na ka bërë të gjithëve për vete me ëmbëlsinë e saj.
