Një protestues me aftësi të kufizuar ka prekur me fjalimin e tij sot para Kryeministrisë. Ai i ka konsideruar të paturp të tjerët që rrinë kafeneve dhe nuk dalin të protestojnë. Protestuesi i bëri thirrje edhe kryeministrit Edi Rama që të dalë në shesh para tyre, duke e konsideruar të pafytyrë.
“Përshëndetje të gjithëve, ju përshëndes edhe ju që jeni aty në kafe dhe nuk ju vjen turp e nuk lëvizni. Ju përshëndes edhe ju që jeni bërë militante? Ku jeni o të paturp? Pse nuk jeni këtu për të protestuar për të drejtën tuaj? Nuk i shikoni çmimet në çfarë niveli kanë arritur. Ky është sharlatani që nuk ka marrë masa dhe ka përzënë 500 mijë qytetarë, ku je o kryeministër i pafytyrë që nuk del, që lëshon za nëpër media për të mashtruar shqiptarët. Unë kam ardhur nga Durrësi me karrocë për të protestuar. Pavarësisht problemit fizik që kam, kam edhe problem të tjera shëndetësore, por jo nuk më ndalon që të jem këtu. E di që nuk ka zë, shoqëria është në depresion, e kanë munduar hallet”, thotë ndër të tjera. Në protestë sot shihen shumë persona me aftësi të kufizuar, fëmijë dhe pensionistë, që në fakt janë grupet të cilat e kanë më të vështirë të dalin në shesh mes turmës.
Discussion about this post